Om Swastiastu Punapi gatra semeton? Dumogi iraga sareng sami ngamolihan kerahayuan. Sane mangkin titiang lakar curhat ahkidik. Sebet rasayang titiang krana pandemi COVID-19 puniki sami di rumahkan cara titiang dadi Mahasisia, sing ngidang matemu ajak timpal-timpal. Biasane maan pakedek pakenyum ring kampus sane mangkin sepi karasayang tusing ada ajak mekaengan. Tiang tuah anak ubuh sane kalahine mati teken I Bapa pas kelas 4 SD lan I Meme nganten buin ngalain tiang ajak anak uli Riau uli titiang kelas 6 SD. Titiang kaubuh teken adin I Bapa. I pidan titiang sesai macerita teken I Meme lan I Bapa sane jani sepi, tuah macerita ajak timpal-timpal tiange manten. Nanging sane kaceritayang tusing galang kenehe cara macerita teke rerama tiange i pidan. Sesai sebet karasayang kangen teken I Meme lan I Bapa. I Mbok tusing ngebaang titiang ngubungin I Meme buin, ngeblokir makejang sosial media sane metimpal ajak I Meme. Tusing ngidang nanggehang sebete puniki kanti ketelang yeh peningalan, tiang nekat ngalin-ngalinang I Meme di media sosial. Waktu nika Ulang Tahune I Meme, ucapin tiang di DM. Nanging bin manine mara kawales teken I Meme, demen pesan atin tiange, keto masih I Meme demen atine panakne inget teken Ulang Tahune. I Meme ngidih kontak WA tiange, lantas ditu I Meme ngidang telponan, makabar ajak tiang, lan titiang jani suba ngidang macerita buin napi sane karasayang tiang. Krana Pandemi COVID-19 puniki I Meme tusing ngidang mulih ke Bali kanggoag tiang komunikasi anggen media sosial manten. Joh tusing je dadi masalah anggen tiang makabar. Ulian COVID-19 puniki tiang ngidang ngubungin I Meme buin, nanging disubane Normal Baru dot rasayang tiang matemu langsung teken I Meme. Wantah ring Curhatgen tiang ngidang mesuang isin keneh sane rasayang tiang, dumogi je Astungkara tiang ngidang matemu teken I Meme. Kelungkung Semarapura Kirang Langkung Titiang Nunas Sinampura Om Shanti, Shanti, Shanti Om
Aktifkan pemuatan ulang komentar otomatis