youtube
Kawentenan monumen ring Lapangan Puputan Badung utawi kabaos Lapangan I Gusti Ngurah Made Agung kaangen nyungkemin belapatin Ida, I Gusti Ngurah Made Agung sareng para pahlawan sane lianan rikanjekan mayuda nglawan Kolonial Welandane. Puputan suksmannyane penelahan kantos puput padem . Punika sane kamargiang olih Raja Badung miwah krama Badunge sami ring tanggal 20 September warsa 1906.
Cihna sane wenten ring Puputan Badung inggih punika Musium Bali miwah Pura Agung Jagadnatha. Pamedek sane jagi malancaran ring wewidangan Lapangan Puputan Badung beciknyane macecingak ring Musium Bali. Kawentenan Musium Bali sane megenah ring Saren Kauh lapangan. Ring musium Bali pamedek prasida nyingakin pawimba kebudayaan Bali duke dumun utawi bali kuno lan perkembangan sane mangkin. Ring tengah musium sampun sedia akeh kerajinan saking Bali. Iraga prasida nyingakin prabot sane kaanggen sadina dina krama bali duk sane sampun lintang wenten taler kwaca daeraah bali sane kaangen ngerahina lan kwaca nganten kerab kambe .
Ring sisi kaler Museum Bali, wenten megenah Pura Agung Jagadnatha. Pura jagadnatha puniki madue akeh pemedek sane tangkil ri tatkala rahinan-rahinan suci, utaminnyane ring rahinan Purnama miwah Siwaratri. Pura puniki dahat jimbar, pamedek sane tangkil rumasa degdeg kayune tur hening. Ring jaba tengah pura, sadurung malancaran mangda satinut lan urati ring awig jagi ngranjing ring wewidangan pura,inggian punika makwaca adat bali sane becik lan patut, sane sampun kasiagayang, nyaga karesikan lan kelestarian pelemahan ring parhyangan, taler wenten seni pangambyaran kalaksanayang nyabran rahina redite lingsir panggung utawi kalangan ring Puputan Badung pacang kadagingin pentas seni saking sisya TK lan sanggar sanggar seni lianan. Pamedek prasida nonton sasolahan tradisional, musik miwah lagu modern.
Aktifkan pemuatan ulang komentar otomatis