Para angga panureksa sane wangiang titiang, TIM BASAbali Wiki sane kusumayang titiang, para semeton sareng sami sane tresnasihin titiang.
Pinih ajeng, lugrayang titiang ngaturang panganjali umat, Om Swastyastu.
Bagia pisan manah titiang rahinane mangkin, sangkaning pasuecan Ida Hyang Widhi Wasa, titian kaicen galah ngaturang sarin - sarin manah titiange ring lomba Wikithon puniki. Suksma aturang titiang majeng para angga panureksa miwah tim BASAbali Wiki sane sampun ngwacen tulisan titiange.
Ring galah sane becik puniki, lugrayang titiang jagi ngelanturang pikobet sane mamurda Seni Lan Budaya Bali Ring Era Globalisasi . Seni Budaya Bali sampun nglimbak sawireh prasida wenten sane saking alit sampun kapicayaning seni. Napi malih ring jagat sekadi mangkin, kesenian Bali punika sane jakti ngranayang Bali terkenal ring dura negara mawit kacingak ring Internet, taler sane ngranayang tamu dura negara punika melancaran ka jagat Baline. Akeh conto sane prasida kecingak ring parindikan sekadi mangkin, minakadi tradisi budaya Baline sane kalalian, minakadi alit-alit sane nenten resep ring anggah ungguhing basa bali napi malih ring nyurat aksara bali.
Conto ring ungkur punika prasida ngranayang budaya Bali ne sayan - sayan surup utawi ilang. Mangda nenten sekadi punika, napi sane kalaksanayang pemerintah mangda seni lan budaya Baline mangda tetep ajeg, urip, metaksu tur lestari.
Asapunika sane prasida aturang titiang ring galahe sane mangkin. Mugi - mugi napi sane aturang titiang punika prasida dados uratian tur dasar program kerja sane pacang kautamayang olih calon pemimpin sane jagi kapilih ring 2024.
Puputang titiang antuk parama santih, Om Santih Santih Santih Om.
Aktifkan pemuatan ulang komentar otomatis