Om Swastiastu. Kita Muda Kita Bersuara. Ainggih, Sane wangiang titiang para angga panureksa. Sapunika taler, para semeton titian makesami sane tresna sihin titiang. Sadurung nglanturang Orasi ne puniki, ngiring ngaturang rasa angayu bagia majeng ring Ida Sang Hyang Widhi Wasa, duaning sangkaning pasuecan Ida, iraga prasida mapupul iriki ring sajeroning acara Wikithon Partisipasi Publik Berorasi. Ring rahina ne mangkin, titiang jagi maktayang pidarta utawi orasi sane mamurda Pemimpin Baru, Bali Baru . Ainggih semeton titiang sinamian, sane mangkin iraga jagi nglaksanayang Pemilu 2024. Iriki semeton samian sane sampun dados memilih patut milih pemimpin sane mresidayang ngaryanin Pulau Bali puniki dados pulau sane anyar. Sane mangkin, akeh pisan wenten permasalahan sane patut kapuputang olih pemerintah taler semeton sinamian. Silih sinunggil permasalahan sane titiang raosang, inggih punika luu ring Bali sane akeh. Napi malih, dugas niki wenten kebakaran ring TPA Suwung. Niki mawinan, akeh luu sane ten polih genah antuk kebakaran punika. Titiang ngaptiang mangda pemimpin Bali sane pacang kapilih mresidang muputan lan ngicen solusi ring pikobet puniki. Taler majeng ring semeton sami mangda prasida nyaga palemahan ring Bali, tur prasida ngaryanin Bali Anyar. Wantah asapunika titiang prasida ngaturan bebaosan mangdane semeton samian ngresepin napi sane sampun atur titiang iwawu, kirang langkung titiang nunas pengampura tur puputang titiang antuk parama santi, Om Santhi, Santhi, Santhi, Om .
Enable comment auto-refresher