Puisi Bali: Virus corona ring Bali olih Pande Mirah

Corona ring Bali.jpeg
Title
Puisi Bali: Virus corona ring Bali olih Pande Mirah
Related Places
    Writer(s)
      Photographer(s)
        Reference
        Photo Credit
        Video Credit

        Description


        In English

        In Balinese

        Jagat Bali jagat pinih wibuh

        Kaloktah indik kawentenan sami ngruruh

        Budaya Bali pinaka gambar masyarakat sami patuh

        Ngupapira jagat madasar agama sane kaduluh

        Astiti bhakti nreptiang jagat Bali saking nguni

        Mapuara nemu kerahayuan sami

        Saling asah, asih, lan asuh masikian deriki

        Tan dumade ring warsa 2019 puniki

        Wenten gering agung, sasab, merana embas numadi

        Ipun kasengguh mawasta virus corona

        Magejeran jagat pada

        Sarwa prani pinaka cihna

        Medal gering agung covid-19 virus corona

        Padem paglentek sarwa buron pada manampa

        Duh dewa Ratu

        Gering agung virus corona piniki mamatu

        Siep sipeng saru tanpa suara sane katuju

        Jagat Bali meneng ngruruh pisarat jagi katiru

        Guru wisesa ngamedalang gaguat pinaka siku-siku

        Sareng-sareng ngrestitiang jagat Bali mapuara rahayu

        Ratu batara

        Ring dija Bulane ten ngendag manyapa?

        Peteng sipeng gumine siep tanpa suara

        Pati kaplug ngruruh margi kadi tuke anyud uyak virus corona

        Meneng jumah

        Sampunang osah, sambilang malajah

        Takep bibih, takep irung, anggen kasna, sampunang ngendah

        Wajikin tangan ngicalang sarwa letuh mogi mabuah

        Tungilang kayun sami mulat sarira sambil masadah

        Antuk kaluwihan laksana sang ngamong rat

        Ngamedalang gaguat, sarwa karya, laksana, pinaka sarat

        Sami trepti mamargi ngicalang pabaat

        Mulat sarira, nyiksik bulu, pinaka pangruat

        Mogiwastu gelis ical sarwa mala papa klesa sebel kandel virus corona

        Bali sane kasumbung sida mulih kadi mula

        Pakedek pakenyung nyujuh trepti lan sukerta

        In Indonesian