Om Swastyastu, sane wangiang titiang para angga panureksa, sapunika taler, para sameton yowana sareng sami sane tresna sihin tiytang. Pinih ajeng ngiring ngaturang rasa angayubagia ring Ida Sang Hyang Widhi Wasa, duaning sangkaning pasuecan ida, iraga sareng sami mapupul I riki sajeroning acara Wikithon Partisipasi Publik Bali Berorasi. Ring galahe mangkin, lugrayang titiang ngaturang pidarta utawi orasi sane mamurda Margi Cupek Ngewetuang Macet Ring Nusa Penida. Para semeton yowana sareng sami, margi ring nusa penida kari dados pikobet mangkin. Napi ngawinang sekadi punika? Duaning penglimbak pariwisata lan kendaraan nyangsan makeh ring nusa penida. Akeh mobil sane antre, yening wenten silih sinunggil mobil sane meneng ring sisin margi pastika ngewetuang macet. Taler rikala wenten mobil sane antre ring SPBU sane ngeraris ngewetuang macet ring margi. Lianan ring punika akeh taler driver sane ngenahang parkir mobilnyane sembarangan nike taler ngewetuang macet. Saking pikobet punika, titiang ngaptiang ring pemimpin bali sane kapilih ring warsa 2024 prasida nagingin nguratiang indik pikobet margi sane cenik punika, antuk ngicen kebijakan miwah anggaran pembebasan lahan nyimbarang margi lan ngicen aspal sane bagus mangda nenten ngewetuang macet. Napi malih ring nusa penida wenten pemungutan distribusi Rp.25.000 per toris duranegara. Yening kemanah antuk tityang pemungutan distribusi punika wantah akeh danannyane kapupulang. Yening punika jakti kawigunayang pastika pikobet antuk wenten kebijakan saking pemimpin margine pastika becik. Ngiring semeton sareng sami, uratiang margi cupek puniki mangda pariwisata ring nusa penida sayan nglimbak. Wantah asapunika sane prasida katur, kirang langkung titian nunas ampura tur puputang titian antuk parama santi. Om Santhi Santhi Santhi Om.
Enable comment auto-refresher