Bali punika silih tunggil nusa sane sampun kasub ring sejebag jagat Nusantara. Titiang embas miwah kelih ring bali , bangga pisan prasida ngrasayang kaindahan miwah pabinayan ring Bali puniki. Silih sinunggil warisan Bali sane pinih ajiang titiang inggih punika ring widang seninyane sane kalintang becik tur ngulangunin. Seni lan budaya bali akeh pisan kaicen olih leluhur iragane lan turun temurun majeng ring generasi muda kantos mangkin. Sakewanten sakadi masa sane sampun lintang akeh seni bali sane sampun sayan rered utawi sampun ical. Silih sinunggil seni Bali sane dados utsahayang titiang mangkin punika wantah Tembang Bali sane mangkin sayan kasub ring pare yowanane. Mangkin je sami anak muda sane nenten uning ring tembang bali jek pragat ningeh lagu lagu barat manten. Ape buin jani suba zaman moderen anake lebih demen matiktokan katimbang melajahin seni bali. Contohnyane sekadi mangkin akeh ring pura pura sane jarang pisan cingakin titiang anak ngayah sekadi mapupuh, makidung utawi mawirama .Boya ja nak tue dogen sane ngayah tepukin titiang , nika manten tusing makejang sareng ngayah, tuah abesik due manten. Mawinan akeh para anak muda sane nganggep tembang punika sekadi hal sane sampun kuno tur gengsi antuk melajahin. Tusing je sekadi pupuh manten taler tembang sane sampun lumrah sekadi tembang rare manten sami akeh sane nenten uning. Ne jani iraga dados generasi muda ngiring nglimbakang kesadarannyane antuk ngelestariang budaya baline apang tusing kalahang budaya luar. Ape buin sane mangkin bali sampun bangkit , sampun nyidayang ngelaksanayang parikrama PORSENIJAR lan Bulan Basa Bali sane sedia ngewidangin tur nangiang bakat bakat sisia yowana Baline.Dumogi parikrama-parikrama sane kelaksanayang mangkin sida memargi antar ngantos riwekas.
Enable comment auto-refresher