Ane kenken madan alas? Nu dadi sambat alas yening isine punyan biu? Dijo alas tyang? Alas sane entikin pepunyanan medon gadang lum-lum, alas kaentikin pepunyanan tegeh kantos nyujuh langit. Alas sane entikin tabya dadi orahang alas? Liu suba jani isin alase masilur. Ipidan alase misi entik-entikan kanti matuuh tiban-tibanan nanging sampun masilur baan entik-entikan maumur paling aget nem bulan. Ilang tongos masayuban, ilang suba tongos kedise manguci. Ipidan semeng semeng sampun mireng munyin kedis, nangin mangkin semeng semeng sampun mireng munyin pis lan munyin sensa. Beburone melaib takut, ten medue umah, ten medue tongos ngerereh amah. Lenan teken ento, jani tanah nenten wenten sane ngisiang krana pepunyanan sane ngisiang sampun ilang, sakabedikin kababat olih jadma-jadma corah, sane nenten madue ati, tan madue pangrasa, liep-liep buka lipi gadang nyluksuk ka alas, nastasin pepunyanan. Yen suba telas benyah pastika katutugin baan rasa nyesel. Nanging napi gunane yening iraga nyesel kala nenten wenten parilaksana melah lakar mretenin? Sinah tan paguna Dumogi iraga dados jadma-jadma sane megenah ring Bali stata ngisi tekek peplajaha Tri Hita Karana mangda sida Bali pamekasnyane alam Bali stata asri lan lestari salantang tuuh.
Enable comment auto-refresher