Om Swastyastu. Para panureksa sane wangiang titiang taler para semeton sareng sami sane tresna sihin titiang. Pinih ajeng ngiring ngaturang rasa angayu bagia majeng ring Ida Sang Hyang Widhi Wasa, duaning pasuecan Ida, titiang kaicen galah antuk prasida nyarengin lomba Wikithon puniki. Ring galah sane mangkin, lugrayang titiang ngaturang orasi sane mamurda Penertiban Wisatawan Dura Negara ring Bali.
Penertiban wisatawan dura negara ring Bali inggih punika isu penting sane patut kauratiang becik olih para calon pamimpin Bali. Yadiastun wisatawan dura negara ngicenin kontribusi ekonomi sane signifikan, nanging ipun prasida nyarengin makudang-kudang pelanggaran. Pelanggaran punika prasida ngawinang pikobet ring palemahan, budaya, miwah para jadmane.
Pelanggaran sane sering pisan kemargiang olih wisatawan dura negara inggih punika pelanggaran lalu lintas, minakadi nenten nganggen helm, numpak motor nenten manut ring awig- awig, utawi nenten nguratiang panampen lalu lintas. Pelanggaran sane nenten manut ring adat, minakadi nenten nganggen busana sane patut ritatkala kahyangan, utawi nenten ngamargiang swadharma sane patut ritatkala mabakti ring genahe mabakti. Polusi ring palemahan punika tan bina sakadi ngutang-ngutang sampah miwah nguugang terumbu karang. Samaliha akeh malih pelanggaran sane lianan sane iwang.
Punika mawinan, mabuat pisan yening para calon pemimpin Bali ngemargiang kebijakan sane ngimbakang pariwisata berkelanjutan miwah ngicenin pendidikan majeng ring para wisatawan indik mabuatnyane ngajiang miwah nyaga palemahan, budaya, miwah para kramane. Puniki prasida ngwantu ngirangin dampak negatif miwah mastikayang keberlanjutan pariwisata ring Bali. Asapunika manten aturang titiang ring galah sane mangkin. Puputang titiang antuk paramasanthi. Om Santhi Santhi Santhi Om.
Aktifkan pemuatan ulang komentar otomatis