Suksma antuk galah sane ketiba ring pedewekan titiang. Sedurung titiang matur matur,ngiring irage sareng Sami ngaturang suksema lan pengastiti bakti melarapan antuk panganjali umat OM SWASTYASTU Angayubagia aturang titiang majeng ring Ida Sang Hyang Widi Wasa, Duaning asungkerta wara Nugraha Ida irage makesami prasida mepupul mesadu Ajeng ring acara WIKHITON PARTISIPASI BALI BERORASI . Ring galah sane becik punika titiang jagi maktayang orasi sane memurda NGELESTARIANG PALEMAHAN MELARAPAN ANTUK NGITENIN LUWU Ratu Ida Dane sareng Sami Indayang mangkin uratiang palemahan duene soang soang, ring umah Jero puri griya,ring Margi ring pura miwah genah sane tiosan. Manawi akeh kantun wenten Luwu mabrarakan ngardi palemahan nenten asri . Yening sampun nyempetin jlinjingan,buka mekardi Toyan sabehe meluab ke margine,ngantos ke paumahan, napi Malih yening sabehe Ageng. Ngiring mececingak Malih Luwu ring pasar,ring Pasih lan ring genah sane tiosan sapunapi kawentenane?
Iratu, Ida Dane sareng Sami indik Luwu wiadin sampah punika sobyahang titiang ring Ajeng sameton sareng Sami,tuanh ngentenin kemanten,mapan irage sareng Sami sampun uning sapunapi kawentenane. Antuk Nike, Niki tunasang titiang ring semeton sareng Sami mangda sampah wiadin Luwu ring paumahane prasida katitenin mangdane palemahan wiadin lingkungan duene tetep asri lan lestari. Yening paumahan e sampun prasida asri Pastika lingkungan asri tur lestari
Ratu, Ida Dane sareng Sami Pamekasnyane aturang titiang ngiring sareng Sami uratiang ring sampah wiadin luwu punika mangdane palemahan prasida asri tur lestari Inggih ratu Ida Dane pamiarsa lan pamilet sinamian Wantah asapunika titiang prasida matur ring Ajeng pamiarsa.dumogi napi sane aturang titiang wenten pikenoh ipun. Ampurayang indik basa basita paribasa sor singgih bahasan titiang nenten manut ring sajeroning manah.puputang titiang antuk Parama Santhi Om Santhi Santhi Santhi Om
Aktifkan pemuatan ulang komentar otomatis