Ring dinane sane mangkin, akeh kramane Baline sane sampun ngeletehin lan nyemerin segara ring Bali. Puniki ngranayang sebet keneh titiang nyingakin segarane sane akeh wenten leluu lan kaang parang sane usak krana tindak kramane sane nenten patut. Driki titiang ngajakin semeton sareng sami mangda iraga dados krama Bali sampun sepatutne ngajegang kelestarian segara ring Bali, krana tekan rahayu lan bencana ring jagate puniki tuah saking segarane. Wenten kalih pemargi sane dados kalaksanayang inggih punika pamargi sekala lan pemargi niskala. Yening pemargi sekalane, iraga patut nyaga keresikan pasisi lan pasihe. Ten dados ngutang leluu, ten dados mortas, nuba, nganggen pukat harimau, lan ngebom be ring segarane rikala ngejuk be. Kenehe momo apang maan be liu, kewala punika ngusak kelestarian segarane, usak umah watek be ne, sane ngawinang mani puan be ne ngancan ngemedikang. Lenan ken ento, patut masih kadulurin baan pemargin niskala. Melarapan antuk upacara yadnya sekadi nangluk merana, nyepi segara, mapekelem, lan upacara sane lenan. Titiang medue manah apang metu malih laksana sane becik saking para krama Baline. Saking Segara Kerthi nyujur Jagat Kerthi.
Enable comment auto-refresher