Adan tiange Ayus, tiang nongos di Denpasar. Dadi anak ane nongos di kota mula jaen krana makejang ada. Makejangne modern, aluh tur enggal.
Yen beneh baan matolihan, di kota nenenan enu masih ada ane kuangan. Kuangan apa? Kuang perhatian. Contone cara cerik-cerike ane maumah paek teken TPA utawi Tempat Pembuangan Akhir. Pemerintahe taen sing ngenehang cerik-cerike ditu suba ja nyidang maan yeh bersih ? Buina ngenehang kenken ja pendidikan cerik-cerike ditu? Tiang sesai nepukin cerik-cerike ane maumah paek teken TPA, tusing ngelah tongos ane bersih anggona maplalianan muah malajah. Tusing abedik cerik-cerike ane kena penyakit kulit cara korengan. Liunan masih suud tamat SD tuah dadi pemulung.
Nyen ja ane lakar mapilih dadi pemimpin di Pemilu 2024, patut nepasin pakeweh nenenan. Tiang dot pesan maan pemimpin ane seken-seken nguratiang kauripan cerik-cerik di TPA. Ane simalu, patut ngae program cek kesehatan nang abulan cepok. Gaenang masih akses yeh bersih. Buina gaenang ja tongos anggon cerik-cerike mapupul tur malajah. Yen unduk bimbingan belajar, pemerintah nyidang maprakanti teken aktivis sosial. Kenken timpal-timpal ajak makejang, cumpu apa tusing? Cumpu
Dumadak pemimpinne buin mani inget matolihan ka beten. Utamane ngenehang kauripan cerik-cerik ane nongos di Tempat Pembuangan Akhir
Enable comment auto-refresher