Turis Ugal-Ugalan, napi makade keto ton?
Bali mula saja pulo dewata sane akeh madue tongos wisata anggen melancaran. Sasampun ne Gering Agung Covid 19 matilar, akeh para wisatawan sane rauh ke bali, wisatawan lokal utawi domestik miwah wisatawan mancanegara ten lali tekening bali yening jagi malancaran. Niki mawinan iraga patut satata nyage adat lan budaya bali mangda nenten sayan rered keni pengaruh saking wisatawan mancanegara, napi malih pengaruh sane iwang. Nanging, akeh para wisatawan mancanegara sane seneng tur malajahin budaya lan adat bali ne.
Ring jaman jani akeh para wisatawan mancanegara sane nongos ring bali. Wisatawan ne punika ngantos bani ngaba motor ring margi agung ne. Nanging akeh turis sane nenten patut tekening awig-awig ring margi agung. Para turise akeh sane nenten nganggen helm tur ugal-ugalan ring margi agung. Napi sane ngawinang para turise keto ton? Nenten je len, turise punika pastika ia nuutin iraga nyama bali sane ugal-ugalan ring margi agung. Sapatutne iraga yening dot para wisatawan trepti nongos di bali, iraga patut ngemaang conto sane luwih. Yening sami para wisatawan ugal-ugal ring margi agung, pastika akeh nyama bali sane tusing demen. Niki mawinan ring margi agung ne akeh paa turis sareng nyama bali sane makerah. Nah jani lan iraga alon-alon yening mamargi ring margi agung miwah sareng-sareng ngingetin para turis lan nyama ne mangda trepti ring margi.
Aktifkan pemuatan ulang komentar otomatis