Nyame nyen sane tusing nawang gumi Bali?. Asal sube ngomongang bali jek pasti care suargan. Uli kaja kelod kangin kauh mekejang misi tongos melali tur ngelimurang manah. Pariwisata mekacakan, turis masliweran di margane. Nanging, didurin Bali ane melah ento liu mase pikobet ane ade. Jalan ane di desa nu liu mase sane usak konden mebenain, luu mekacakan, got dadingae tong sampah, got mase dadiange sepiteng, bon banyu di got mase aduh miik ne kanti dot ngutah. Men yen kene, engken lut jani?. Jaman jani harus liunan kolaborasi ajak nyame mekejang, uli masyarakat neked pemerintah. Pemerintah ne ngae kebijakan ane luung, nyan masyarakat ane ngelaksanayang sane becik. Conto ne, idupang buin STT ane ade ring soang-soang banjar. Desa adat sube sayan maju, kewale banjar adat ane enu melempem konden ade gerak ane seken. Men STT di tiap banjar melah, desa melah mase, jek mekejang kene imbasne. Minimal acepok tiap bulan ade kegiatan mereresik miwah bakti sosial ring wilayah banjar apang aktif. STT mase maan hibah adok ngae kegiatan, pang organisasi lokal ane ade sing kalah mase jak organisasi ne sing beneh di sisi. Ulian ento, tiang ngajak nyame ane jani dados milenial apang ajeg di banjar tur desa, ngiring dorong pemerintah desa lan desa adat mangde ngelirik malih para yowana ne sami ring banjar tur desa.
Aktifkan pemuatan ulang komentar otomatis