Om Swastiastu, Para angga panureksa sane wangiang titiang, miwah para semeton sareng sami sane tresna asihin titiang. Angayubagia aturang titiang majeng ring Ida Sang Hyang Widhi Wasa, sangkaning asung kertha wara nugrahan Ida, Iraga prasida mapupul iriki. Wastan titiange Ni Putu Ary Febriyanti, ring rahinane mangkin titiang jagi ngaturang pidarta utawi orasi sane mamurda Pikobet Ring Palemahan. Ida Dane sareng sami, Sampah utawi Luu inggih punika pikobet sane ageng, sane ngancam palemahan iraga. Nanging uratian kramane indik karesikan palemahan sayan sirna. Luu sane nenten kaaturang becik punika, prasida ngawetuang pikobet ring palemahan iragane. Sakadi blabar krana tukade empet,polusi udara, miwah polusi toya. Duaning asapunika iraga taler patut nglimbakang parilaksana sane becik ring sajeroning ngatur sampah. Ngirangin bahan sane nenten prasida kawigunayang malih sakadi plastik pinaka pinih riin utsaha sane prasida kalaksanayang kaanggen nyaga karesikan palemahan iragane. Ngiring iraga sareng sami mangda sayan peduli ring palemahan, lan ngiring lestariang palemahan iraga majeng ring generasi generasi sane pacang rauh. Inggih, wantah asapunika sane prasida aturang titiang, mogi mogi napi sane sampun aturang titiang puniki prasida kauratiang majeng ring semeton sareng sami. Manawi wenten atur titiang sane nenten manut ring arasa, titiang nunas geng rena sinampura. Om Santih, Santih, Santih Om.
Aktifkan pemuatan ulang komentar otomatis