Om swastyastu, sane wangiang titiang para panureksa Tim BasaBali Wiki, miwah para ida dane sane tresna asihin titiang.
Pinih kapertama ngiring iraga sareng sami nunas ica majeng ring Ida Sang Hyang Widhi Wasa, iraga prasida mapupul ring acara lomba Wikithon puniki. Lantas, icenin titiang ngwacen orasi sane sampun tiang tulis.
Ring galahe puniki, pariwisata pinaka jantung perekonomian bali mangkin. Akeh turis lokal miwah mancanegara malancaran ka bali santukan kaendahannyane. Sakewanten, sakadi sane sampun kauningin ring galahe puniki akeh wenten video aksi nakal saking oknum turis asing ring bali. Pikobetnyane parilaksana oknum punika nenten ja wantah nyakitin dane kemanten nanging taler nyakitin anak tiosan, upaminyane rikala para oknum turis sane nganggen motor secara ugal-ugalan ring margi.
Sajaba punika, wenten taler makudang-kudang turis sane tan nyak nuutin adat istiadat ring Bali contonyanne rikala ipun berperilaku nenten becik ring pura lan nenten satinut ring adat istiadat sane berlaku. Punika mawinan, pamerintah patut sayan tegas indik pikobet puniki. Krana, yening pikobet punika terus menerus pacang makarya citra pariwisata baline jele.
Inggih semeton sareng sami, Inggih punika bebaosan sane sampun uningayang titiang. Dumogi pikobet punika prasida katelebang becik, mangda prasida ngawangun citra pariwisata bali sane becik malih. Titiang nunas pangampura yening wenten kaiwangan atur titiang, tur puputang titiang antuk parama shanti, Om shanti shanti shanti om.
Aktifkan pemuatan ulang komentar otomatis