Om Swastiastu Sane wangiang titiang para angga panureksa.Sapunika taler para semeton yowana sareng sami sane tresna sihin titiang.Sadurung ngalan tur pinih ajeng ngiring ngaturang rasa angayubagia ring Ida Sang Hyang Widhi Wasa duaning sangkaning paswecan Idane titiang ngiring ida dane sareng sinami prasida kawentenan becik. Ring galah sane becik puniki,antuk ngaturang orasi sane mamurda Pikobet Mis lan Pawangunan sane Elah Aluh . Pemerintah,pangamong jagat utawi calon sepatutnyane nguratiang pikobet indik mis lan pawangunan sane elah aluh lan ten madue ijin.Bali sampun kasub ka mancan negara ring sektor pariwisatanyane. Nanging sayan sue Pulo Baline sane resik tur asri prasida magentos dadi Pulo sane dados usak ulian mis lan pawangunan tanpa ijin saking pemerintah.Pikobet sane akeh indik mis lan pawangunan sane patut uratiang olih pamerintah ring Bali.Nenten wantah lingkungan kemanten nanging krama Baline taler keni pinungkan,akeh penyakit-penyakit sane ngendag krana lingkungan sane sampun cemer.Ento sane ngranayang calon pangamong jagat ring Bali sepatutnyane nglaksanayan parilaksana sane sujati nenten ja mantah raos manten.Antuk pikobet sane wenten ring ajeng punika indik mis lan pawangunan wenten solusi sane becik inggih punika pamerintah ring Bali patut ngatalang ijin pawangunan utawi IMB ijin mendirikan bangunan apang pawangunan sane kalaksanayang nenten elah aluh lan mis KA uratiang mangda nenten ngawinang lingkungan nyane cemer.Ring pikobet lan solusi punika iraga sepatutnyane milih calon pangamong jagat sane bertanggung jawab antuk ngamong jagat mangda prasida kaciptayang Pulo Bali sane hijau,resik,asri tur lestari. Inggih ida dane sinareng sami wantah asapunika sane prasida aturang titiang ,yening wenten iwang titiang nunas gongra sinampura, titiang sineb antuk Parama Santih
Om Santih Santih Santih Om
Enable comment auto-refresher