Sira sane nenten uning Pulau Bali? Pulau Bali sampun kaloktah ka dura negara. Pulau sane kasebut Pulau Seribu Pura niki akeh madue genah sane becik, indah, lan asri minakadi pasih,pura, miwah sane lianan. Nika mawinan turis-turis rauh ka Bali. Nenten angob yening perekonomian ring Bali magantung tekening sektor pariwisata. Akeh pisan krama bali sane makarya ring wewidangan parawisata minakadi makarya ring hotel, dados guide, ngantos makarya ring kapal pesiar. Nanging mangkin samian sampun maobah. Sekat wenten virus corona, sektor pariwisata ring Bali sayan surut. Samian krama sane makarya ring wewidangan puniki pada mausan utawi kasuudang makarya. Sampun atiban memargi, nanging sektor pariwisata ring Bali nenten prasida mewali sakadi jati mula. Dados krama Bali sane magantung tekening sektor pariwisata, iraga nenten nyidayang yening ngantosang manten mangda virus corona puniki ilang ring gumine. Mangda nincapang perekonomian ring Bali, iraga patut ngambil pakaryan sane prasida laksanayang ring jero soang soang minakadi miara utawi ternak lele. Ternak lele pinaka pakaryan sane dados kalaksanayang anggen nincapang perekonomian krama bali. Ternak lele nenten nganggen genah sane ageng. Lele dados kapiara nganggen ember gede utawi kolam yening ragane kayun. Bibit lele punika ajinne nenten mael utawi dados kabaos mudah. Miara lele nika pun dangan pisan. Lele punika dados anggen soang soang utawi kaadol. Yening iraga numbas pecel lele pastika ajinne mael. Nanging yening miara lele tur kaolah soang soang pastika mudah. Napi malih yening lele punika kaadol. Utsaha ternak lele sajabaning nincapang perekonomian ring Bali , taler prasida ngawinang iraga produktif .
Aktifkan pemuatan ulang komentar otomatis