Pawiwahan sadurung yusa inggih punika ritatkala anake makurenan ri tatkala kantun alit, punika wantah pikobet sane madue pikobet sane ageng. Pawiwahan sadurung yusa sering pisan nglibatang anak alit utawi anom sane durung siap sacara fisik, mental, miwah emosional anggen nyalanang swadharman dados pasangan miwah rerama. Kaputusan puniki prasida nambakin panglimbak ipune ring makudang-kudang widang kauripan, silih tunggilnyane pendidikan.
Wenten makudang-kudang faktor sane ngawinang anake sane kantun alit makurenan. Makudang-kudang saking punika inggih punika tekanan budaya, tradisi, miwah norma sosial sane ngangkenin pawiwahan pinaka tatujon kauripan sane patut kajantenang saking alit. Tiosan punika, ekonomi miwah kakirangan taler dados faktor sane mabuat pisan ring kawentenan pawiwahan ring yusa sane kantun alit. Nanging, iraga patut eling yening pawiwahan ring yusa sane kantun alit madue pikobet sane ageng pisan yening saihang ring pikenohnyane.
Pawiwahan sadurung yusa prasida ngawinang kekerasan ring rumah tangga, pikobet kesehatan sane tegehan, kakirangan miwah pikobet ring pendidikan sane becik. Ring makudang-kudang panegara, pawiwahan sadurung yusa kasengguh pinaka pelanggaran hak asasi manusa miwah hak-hak anak. Makudang-kudang panegara sampun nglarang pawiwahan ring soring yusa miwah ngadegang undang-undang sane ketat anggen nyaga anak alit.
Antuk punika, pinaka angga ring masyarakat, mabuat pisan iraga sareng sami prasida ngarepin pikobet ngenenin pawiwahan sadurung yusa.Iraga patut nincapang kesadaran indik pikobet ngenenin pawiwahan dini tur ngutsahayang mangda alit-alite lan para yowanane prasida ngamolihang pendidikan sane becik, nglimbakang angga sarira, miwah kesempatan sane pateh mangda prasida ngamolihang sane becik. Nglawan pawiwahan dini inggih punika tanggung jawab sareng sami saking pamerintah, parajanane, kulawarga, miwah soang-soang angga. Ngiring sareng-sareng, iraga prasida ngardi parajanane sane rahayu tur ngic nin anak alit miwah anom-anom sareng sami kasempatan sane pateh mangda prasida tumbuh lan maurip becik.
Aktifkan pemuatan ulang komentar otomatis