Krama Indonesia inggih punika bangsa sane majemuk, mawit saking makudang-kudang suku, agama lan ras, nanging kasub pinaka bangsa sane ramah lan toleran, taler ring sajeroning kawentenan agama
karukunan inggih punika kruna sane madaging arti becik lan damai. Punika mapiteges, mangda iraga urip sareng-sareng ring pantaran manusane sane adung, tur mapiteket mangda sampunang wenten sane maroang-roangan. Yening kacingak becik, pasemetonan dados idep lan kaaptiang olih para janane.
Parikrama agama inggih punika kahanan sosial ring dija parajanane sami prasida urip sareng-sareng, nenten ngicalang hak dasar soang-soang mangda ngamargiang kewajiban agama. Sawatek anake sane astiti bakti ring Ida Sang Hyang Widi Wasa patut urip sajeroning dame
Paindikane punika kadasarin antuk kalih paindikan, inggih punika parisolah miwah parilaksana anake sane pracaya ring Ida Sang Hyang Widi Wasa miwah parisolah pamrentah sane becik. Makudang-kudang agama ngajahin indik pasemetonan puniki, mawinan agama sane becik dados faktor integrasi. Sujatinipun, paiketan pantaraning soroh agama ring Indonesia sampun becik pisan. Sakewanten, ring era reformasi, sane utamanyane nyokong kebebasan puniki, medal makudang-kudang ekspresi kebebasan, inggih punika sajeroning pikayunan, ideologi politik, pemahaman agama, miwah ekspresi hak-hak dasar. Ring iklim sakadi puniki taler medal ekspresi kelompok sane paham radikal utawi intoleran, sane yadiastun ak hnyane akidik nanging ring kasus-kasus tertentu nyihnayang kelompok mayoriras.
Ngiringja iraga sareng-sareng ngukuhang pasemetonan puniki. Sampunangja iraga kabresihin miwah kabresihin antuk anak sane nenten madue tanggung jawab sane mamanah ngicalang kerahayuan ring jagate.
Enable comment auto-refresher