Hidup mangkin mule care gendingan Putri Cening Ayu, ngijeng cening jumah . Corona ngaenang makejang anake pade keweh makarya lan wenten sane ten makarya. Sisya lan Mahasisyane malajahnyane online tur keweh ngalih sinyal ape buin kuotanyane mael. Gaginane sewai-wai sube malenan tusing care ne pidan, makejang kajemak gaene dijumah, ade ne madagang online, malajah online, nganti otonan online masih ade. Uyang ningehang berita isine covid-covid dogen, ngangsan liunan sane keni virus, makudang-kudang cara sane sampun orahina teken pamerintahe ade orine ngumbah lima sabilang wai, ade orinne nganggo masker, ade orinne jaga jarak, distancing ape adane to. Tetep masih ade sane positif corona, ape mule rakyate ne bengkung ape peraturane sane pelih.
Ring Bali jani pariwisatane keweh krana turis-turise ten dados melali ke Bali, punika ngranayang rakyate keni PHK utawi suudanga megae. Akeh anake sane tetep makuli ring masa pandemi, ring daerah tiang akeh sane megae ka carik ulian pandemi. Magae ka carik mamula bunga, mamula kacang, lan mamula sane lianan. Pandemi ne jani iraga patut tetep mekuli, de pesan ulian pandemi iraga ten megae utawi males-malesan. Tetep mekuli yadiastun masa pandemi, magae ka carik ngidayang iraga ngamolihang jinah ulian ngadep bunga, ngadep kacang. Nah ane jani iraga state magae sane ngidayang jemak gaene, sampunang gengsi yadiastun magae la carik lan tetep berfikir positif gen apang tusing positif corona lan apang enggal gumine rahayu.
Enable comment auto-refresher
Anggaramahendra
Permalink |