Tat Twam Asi Pinaka Pemargi Ngaraketang Pasawitran
Panegara Indonesia Inggih punika panegara sane akeh madue inggih punika budaya. Budaya sane sampun leket ring sajeroning krama ngawinang Indonesia puniki prasida kaloktah kantos ka dura negara. Indonesia kaloktah duaning akeh kawentenan suku, adat, seni, basa, agama lan sane lianan. Dados nyane makesami sane pada linanan puniki mekadi becik kacingak. Agama silih sinungil sane malianan kawentenan ring krama Indonesia. Panegara Indonesia puniki madue 6 agama sane sampun diakui. Inggih punika Hindu, Budha, Kristen, Katolik, Islam, Kong Hu Chu . Sane pastika sami agama puniki ngajahin sane becik ring umatne soang-soang. Kawentenan akeh sane malianan agama puniki, napi dados iraga puniki prasida setata raket ring pasawitran? Pastika dados duaning iraga makasami sampun uning ring ajahan universal saking agama Hindu inggih punika Tat Twam Asi. Tat Twam Asi inggih punika silih sinungil ajahan agama Hindu sane ngajahin iraga sami antuk setata raket masawitra. Agama ngajahin becikne kauripan niki santi dados Ngaraketang persatuan lan kesatuan bangsa Indonesia. Ring Agama Hindu, kawentenan ajahan parilaksana sane satyam, sivam, sundharam inggih punika parilaksana sane becik, suci, lan rahayu sane patut. Hindu ngebaosang inggih punika sane patut lan rahayu inggih punika dasar idup lan kauripan. Rikala wenten anak sane ngemargiang dharma sane patut, mekadi kauripan nenpunika sida seger bagia tur nenten wenten malapataka tur baya nyane. Tat Twam Asi polih kaartiang tiyang inggih punika ipun, ipun inggih punika tiyang . Ajahan Tat Twam Asi inggih punika dasar saking tata susila kaanggen antuk ngawetuang laksana sane patut. Susila inggih punika parilaksana sane becik tur melah kaanggen ngajahin pasawitran ane patut tur rahayu taler santi sareng sami. Tat Twam Asi, ajahan punika kadadosang ajahan anggen ngawetuang kerahayuan tur santi sane kauningin kemanten, nanging kemargiang sekadi patut ring sajeroning masawitra krama dados nyane mekadi sane sampun keaptiang sareng sami polih kerasayang. Dasar punika mangda pastika iraga saling raket masawitra sareng umat meagama punika ping banget patut kemargiang ring kauripan sadina-dina dados krama panegara Indonesia. Ajahan Tat Twam Asi patut teken ideologi negara inggih punika Pancasila. Antuk punika sami wargi negara kawentenan rasa masawitra sane raket, mangdane sida sami Indonesia sida setata santi.
Enable comment auto-refresher