Ibi sanja ujane bales misi tatit. Margane jani tusing dadi ambahin motor lan mobil. Saluran yeh tukade mampet ngawinang meluab ke margane. Krana tukade anggona tongos ngentungang luu, tusing ja luu plastik dogen nanging luu ane tiosan sekadi don-donan numplek ditu. Ulian anake ngawag ngentungang luu ane mekada banjir, manusa engsap idup medampingan ajak alam. Apa buin manusa jani tusing dadi atur, demen ngentungang luu ke tukade ane ngranayang yeh tukade daki. Musim ujan care janine telah jalan aspale kanti beyah baan yeh e. Jani iraga lakar bengong ningalin yeh tukade meluab? Yeh tukad ane biasane anggona manjus, manting, ngalih yeh minum, tur anggona nyakan. Nanging jani suba daki, medugdug luune ditu ngranayang saluran yeh mampet. Jani krama ajak mekejang apanga alam tetep lestari, tusing dadi ngawag ngutang luu. Patut mase maan uratian Pemerintah sekadi ngae aturan tegas utawi papan larangan ngentungang luu ditukade. Miwah ngembaang sanksi pidana majeng ring krama melanggar aturan lan sane ngawag ngentungang luu. Yening makejang peduli ring kawentenan luu pastika yeh tukade ening, becik tur asri, tusing ngranayang bencana sekadi banjir ritatkala musim ujan. Yen suba buka keto, yeh tukade maguna becik, majeng ring krama sami.
Aktifkan pemuatan ulang komentar otomatis