Om swastiastu,Merdeka sane wangiang titiang para angga panureksa,Sapunika taler,para semeton yowana sareng sami sane tresna sihin titiang.
Pinih ajeng ngiring ngaturang rasa angayu bagia ring Ida Sang Hyang Widhi Wasa,duaning sangkaning pasuecan ida,titiang ngiring ida dane sareng sami prasida mapupul i riki sajeroning acara Wikithon Partisipasi Publik Bali Berorasi,Ring galahe mangkin,lugrayang titiang ngaturang pidarta utawi orasi sane mamurda Krisis Toya Ening Ring Nusa Penida.
Para semeton yowana sareng sami,napi mawinan titiang maosang toya ening sane sukil lan meweh ring nusa penida? sangkaning akidik klebutan toyane lan nenten sami genah ring nusa penida madue klebutan toya. Kawentenan klebutan toya magenah ring tebing sisin segarane, dados nyane kabuatang mesin pompa mangda prasida toyane punika kabakta ka soang-soang warga. Pengaptin titiange majeng para pemimpin Bali sane pacang terpilih ring warsa 2024, mangda nguratiang paindikan kahanan toya ening majeng warga Nusa Penida, duaning toya ening punika kabuatang pisan ring sajeroning kauripan warga Nusa Penida. Titiang ngaptiang pemimpin Bali sane jagi terpilih ngupapaya tur ngicenin solusi ngenenin indik pikobet pabuat toya ening ring nusa penida. Pemimpin Bali kaaptiang mangda nenten janji- janji kemanten ring sajeroning kompanye sakewanten mangda prasida muktiang napi sane kaaptiang krama Bali. Wantah asapunika sane prasida katur,kirang langkung titiang nunas ampura tur puputang titiang antuk parama santi.Om santhi,santhi,santhi,Om.
Aktifkan pemuatan ulang komentar otomatis
Gede andika
Permalink |