How to reduce plastic waste from religious ceremonies? Post your comments here or propose a question.

Farming to Build Bali's Economy

I Wayan Wira Ryandika.jpeg
0
Vote
Title (Other local language)
Photograph by
Author(s)
Reference for photograph
Subject(s)
    Reference
    Related Places
    Event
    Related scholarly work
    Reference
    Competition
    Gunakaya


    Add your comment
    BASAbaliWiki welcomes all comments. If you do not want to be anonymous, register or log in. It is free.

    Description


    In English

    In Balinese

    Bali silih sinunggil pulo dewata sane kaloktah ring dura negara antuk pariwisata budaya sane wenten ring jagat bali. Kawentenan pariwisata ring jagat bali punika sane makawinan perekonomian sane becik pisan. Para krama baline mresidayang hidup ring jagate puniki duaning kawentenan pariwisata sane becik ring jagat bali, akeh wenten toris sane malancaran ring bali. Ritepengan jagate sekadi mangkin, wentennyane virus covid-19 sane wenten ring jagat bali, makawinan pariwisata budaya ring bali kaon pisan kawentenannyane. Nenten karasayang awarsa sampun lintang kawentenan virus covid-19 puniki wenten ring jagat bali. Kawentenan virus covid-19 puniki sane makawinan genah-genah pariwisata sane ring bali puniki matutup, nenten wenten toris-toris sane malancaran ring bali. Duaning sekadi asapunika akeh pisan para krama baline sane kaicalan kakaryan, taler nyantos mangkin nenten madue kakaryan, duaning genah ipun makarya sampun matutup. Ring aab jagate sekadi mangkin, wenten nyane virus covid-19, pinaka krama bali iraga patut ngemargian protokol kesehatan, wiadinnyane ngwacikin tangan, ngangge masker, miwah jaga jarak, gumantine kawentenan virus covid-19 punika nenten ngelimbak malih, mangda prasida pariwisata ring jagat bali punika sekadi sane dumun. Tiosan ring punika gumantine prasida perekonomian punika mangda becik, para krama baline sampun mausaha mangda perekonomian punika becik. Akeh sane mangkin para krama baline sane matetanduran ring pategalan, minakadi nandur jae, nandur kunyit, lan kasela sawi. Don selasawi punika nyabran awuku alap e tur adole ka peken, yening jae lan kunyit punika nyantos ia wayah, wawu mresidayang ngadol tur ngamolihan jinah, yening don selasawi punika nyanbran awuku sampun ngemolihan jinah yening adol ka peken. Nenten ja agen yening ngadol don selasawi punika ngemolihan jinah, yadiastun akidik, mangdane prasida nglanturan hidupnyane iriki ring jagate. Punika silih sinunggil sane prasida kalaksanayang olih para kramane ritepengan jagate sekadi mangkin, sane prasida mangda perekonomian ring jagat bali puniki mawali sekadi sane dumun. Punika taler antuk krama sane tiosan mangda sareng-sareng mautsaha, gumantine prasida muatang kratifitas sane ngemetuan jinah, gumantine perekonomian jagat bali puniki becik, lan stata nginutin protokol kesehatan, gumantine virus covid-19 gelis matilar, pariwisata mradiayang kabuka, lan perekonomian jagat baline becik malih.

    In Indonesian