Aab limbak kadi mangkin, gumine ngancan ngwayahan, parisolah I manusane ngancan corah, kenten minab yening iraga nuturang indik gumine mangkin. Aab globalisasi kadi mangkin nenten lempas antuk teknologi sane ngancan nglimbak, samian informasine elah kawedar ring masyarakat napi malih mangkin sampun wenten HP. Cenik kelih, tua bajang ketog semprong nganggen HP wenten berita sami ka share ring media sosial. Napi malih teknologi bidang informasi lan komunikasi ngancan nglimbak. Kadi puniki nenten je keweh pisan yening iraga jagi ngrereh informasi ring jagat maya muah carita anak sane lianan. Niki sane ngawinang akeh oknum-oknum sane nenten bertanggung jawab aluh ngawedarang informasi sane nenten manut ring fakta, nenten ja nika kemanten, akeh penipuan sane kawedar ring media sosial minakadi grup WA, facebook, twitter, instagram, SMS, miwah sane lianan. Sane dados pikobet, makweh kantun janmane sane neten prasida nyaring informasi sane wenten ring sakancan mediane punika. Nika sane ngawinang aluh informasi hoax punika kawedar. Iraga pinaka janma, sampun sepatutnyane prasida nyaring informasi sane akeh kawentenanyane ring media. Ngiring iraga nincapang raga sampunang lali, berita utawi informasi nenten ja sami sane wenten nika patut. Wantah kadi asapunika sane prasida aturang titian indik opini titian, yening wenten sane nenten manut titian nunas pangampura.
Aktifkan pemuatan ulang komentar otomatis