Tusing ada unduk jelekan teken jani. Ada ane ma-PHK, ada ane tusing ngidang makan, ada ane terpaksa ngemaling apang ngidang ngilangang seduk basang. Kejahatan merajalela alasane tuah besik, apang ngidang bertahan hidup. Sing tega, sing makan. Hampir duang tiban suba iraga nepukin unduk care kene. Makejang ulian gering agung ane madan Covid-19. Ada ane ngorahan penyakite ene tusing berbahaya, ada ane ngomongan geleme ene lebih bahaya teken kiamat. Beneh pelihe jani suba tusing ngidang ngadanin. Buine kebijakan uling pamerintah carat using ngelah pendirian, semengan selem petengne putih. Yen inget-ingetang asane tusing ada kebijakan inovatif uling pemerintah. Paling banter nemaang BLT utawi bansos dalam bentuk paket sembako. Ada buin lockdown ane maganti adan dogen, PSBB, PPKM mikro, PPKM darurat, PPKM level 100 juta, miwah sane lianan. Tusing ja tiang ngorahan bantuan utawi kebijakan nike ten maarti, nanging rakyat kecil perlu solusi sane pasti. Tusing kebyat-kebyut cari anake mare suud putus asmara. Tiang tusing lakar mengeluh panjang lebar, yen dadi tiang ngemaang usul, asane lung yen iraga rakyat kecil lan aparat negara berkolaborasi ngelaksanayang protocol kesehatan. Ada besik ide tiang indik PPKM darurat niki, punapi yen aparat-aparat negara punika sekadi satpol PP, polisi, TNI ditugaskan dados petugas jaga ring warung-warung utawi toko masyarakat. Toko-toko tetap buka, nanging dijaga lan diatur olih bapak ibu polisi mangdane nenten menimbulkan kerumunan. Aparat negara ngewantu mangda perekonomian tetap jalan, kenten taler protocol kesehatan. Sekadi anake ngadaang resepsi pawiwahan, pengunjung diatur mangda nenten terlalu rame. Nike tuah usul sederhana saking tiang, yen pemerintah kayun ngiring diterapkan, yen ten kayun tiang tetap ngaturang matur suksma. Dumogi kenak rahayu sareng sami.
Aktifkan pemuatan ulang komentar otomatis