Makejang krama patut nyaga keraketan manyama braya yadiastu mabinayan agama. Yen ento tusing kalaksanayang suba tusing lenan teken uwug ane lakar tepukin. Liu tindak ane nyiriang iraga saling toleransi lan ngidang gae iraga apang tetep raket menyama antar umat beragama. Cara imbanyane, Makejang daerah di Indonesia nyiagayang tempat beribadah masing-masing agama ane melian-lianan. Tusing ja ada istilah yen di Bali krana mayoritas kramane Agama Hindu ane dadi ada pura gen. Bukti ane nyata ento ada cara Puja Mandala di Desa Kampial, Nusa Dua. Ditu suba ada gaenanga tongos beribadah makejang umat beragama ane malian-lianan nanging majejer saling madampingan. Jani ento dadi ceciren iraga bisa saling toleransi antar umat beragama. Sabilang dina selegenti makejang suara malianan makumandangan. Yen sesai dingehang, ento suba ane bisa ngae iraga nawang tur angob teken pabinayan umat beragama. Tonden buin yen liu anake teka malali cara studytour, mereren ragane tuwun saling antiang ngajak rombongane sembahyang ngalih tongos sembahyang nganutin kepercayaan lan agamane soang-soang. Uling ento iraga tusing dadi ngelah rasa apabuin kanti ngorahang agama ane anut iraga paling luwung, paling beneh yen bandingang ngajak agama ane lenan. Iraga patutne sadar yen pabinayan ento ada matatujon ngae iraga apang ngidang saling asah asih asuh lan suba pasti ngidang ngaenang iraga nuju Negara Indonesia ane maju.
Semua masyarakat harus menjaga kerukunan dalam tali persaudaraan meskipun berbeda agama. Jika itu tidak dilaksanakan pastinya akan hancur. Banyak tindakan yang menjadi ciri agar kita bisa menjaga toleransi dan membuat kita agar tetap rukun antar umat beragama. Contoh caranya yaitu semua daerah di Indonesia menyiapkan tempat beribadah untuk masing-masing agama. Tidak ada istilah bahwa jika di Bali mayoritas masyarakat beragama Hindu, hanya harus ada pura saja. Bukti yang nyata yautu ada Puja Mandala di Desa Kampial, Nusa Dua. Di sana sudah disediakan tempat beribadah semua umat beragama yang saling berdampingan. Itulah yang sekarang menjadi ciri kita bisa menjaga toleransi antar umat beragama. Setiap hari bergantian suara yang berkumandang. Jika sering didengar, maka bisa membuat kita tahu dan terkesan dengan adanya perbedaan agama itu. Belum lagi ketika ada orang studi banding berhenti di situ untuk melaksanakan ibadah sesuai dengan kepercayaan dan agamanya masing-masing. Berdasarkan hal itu, kita tidak boleh merasa agama yang kita anut adalah agama yang paling bagus. Sebaiknya kita sadar bahwa perbedaan itu memiliki tujuan agar kita bisa saling merangkul, mengasihi, dan menyayangi sesama. Itulah yang bisa membuat kita menjadi negara Indonesia yang maju.
Enable comment auto-refresher