Ring Panegara Indonesia wenten makudang-kudang kebudayaan ring soang-soang daerah, ring panegara Indonesia wenten akeh perbedaan inggih punika agama, suku, ras, antargolongan, miwah sane tiosan. Sane pinih utama agama ring panegara Indonesia kakepah antuk nenem agama inggih punika agama Hindu, Islam, Budha, Kristen Protestan, Katolik dan Konghucu. Ring soang-soang agama sami madue sane kawastanin Tuhan kepercayaan lan madue tata laksana antuk nglaksanayang kahuripan sadina-dina. Panegara Indonesia madue sane kawastanin agama mayoritas utawi agama sane penganutnyane akeh, inggih punika agama Islam. Aab jagate mangkin akeh kawedar konflik antarumat beragama sane kacihnayang saling ngajelekin agama tiosan. Napi malih mangkin sampun wenten internet lan smartphone. Smartphone puniki madue dampak negatif yening wenten ring tangan sane ten patut, akeh kawedar kasus pelecehan agama ring teknologi smartphone puniki sane ngametuang konflik. Napi malih sakadi mangkin akeh alit-alite sane sareng nglaksanayang tindakan pelecehan agama, sane utama niki akeh kawedar ring sekolah. Alit-alite sane lian agama keni bully ring sekolah, puniki prasida ngrusak psikologis alit-alite. San patut kalaksanayang mangda nenten wenten konflik agama inggih punika intropeksi diri duaning sifat jatma nenten pateh. Yening agama iraga keni pelecehan iraga pasti madue rasa gedeg santukan nenten terima agama iragane dilecehkan. Sane kaping kalih iraga patut madue rasa manyama braya teken anake sami yadiastun matiosan agama santukan iraga kawastanin makhluk sosial sane nenten prasida idup padidi. Alit-alite mangkin patut polih pengawasan khusus saking reraman ipun antuk tata laksana sane becik miwah bijak nganggen smartphone. Ngiring sareng-sareng iraga nglaksanayang idup rukun, iraga patut ngamargiang kewajiban iraga ring agama soang-soang sakewanten nenten dados ngejelekang agama sane tiosan. Mangda prasida ngwangun pasawitran sane rumaket tur harmonis antarumat beragama ring kahuripan dados krama negara Indonesia.
Enable comment auto-refresher