Kewentenan Luwu Kiriman ring Wawidangan Pasisi Kuta
Pesisi Kuta wantah pinaka genah wisata sane kasub, sane dahat nudut pikayunan para tamiu jagi rauh masessanjang ka Bali, inggihan punika tamiu lokal miwah dura negara. Nanging risajeroning warsa pinih untat punika, kawentenan tamiu punika sane rauh ka pesisi kuta sayan nguredang, kawentenang puniki kawetuang olih kawentenan luwu kiriman saking wawidangan siosan sane ngawetuang kawentenan pesisi Kuta sayan cemer.
Luwu luwu sane kampih ring pesisi Kuta numpuk ring wawidangan pesisi inucap, sane ngawetuang pikobet sane ngareresin manah. Kawentenan pesisi sane cemer antuk luwu, ngawetuang surud kayun para tamu ngarauhin pesisi kuta jagi masesanjan. Akeh luwu ngantos pamuput warsa 2023 katarka kirang langkung 1700 ton, antuk rincian, 30 ton nyabran rahina. Luwu punika akehan marupa carang kayu lan tiing sane jimbar miwah luwu plastik rumah tangga. Pikobet puniki ngawetuang wicara wicara tiosan ring wawidangan parajana sane jenek ring Kuta, sinalih tunggil nyane wantah tumpuan luwu puniki ngawetuang ambu sane nenten becik ring wawidangan inucap lan prasida ngarusak ekosistem lan habitat biota laut sane wenten ring pasisi Kuta. Saking widang ekonomi, wicara puniki prasida nyurudang pikayunan parajana sane jagi masesanjan ka pesisi kuta, sane mawesana ring surudnyane pikolih para pedagang sane maadolan ring wawidangan pesisi Kuta.
Pemerintah daerah patut digelis midabdabin wicara inucap mangda wicara sekadi puniki prasida gelis kapuputang. Pidabdab sane prasida kamargiang wantah marupa pidabdab setata ngelingin parajana lan pelaku usaha mangda setata midabdabin system pengelolaan luwu sane sayan becik, ngawit saking pidabdab ngirangin, pemilahan, daur ulang ngantos pangolahan akhir saking luwu punika. Pidabdab mareresik ring wawidangan pesisi mangda kamargiang secara ngelantur, mangdane prasida muputang tuwed saking pikobet inucap, inggihan punika pidabdab pengolahan luwu ring hulu. Lianan ring punika kabuatang edukasi utawi sosialisasi publik indik luwu dahat kabuatang, mangdane prasida nincapang rasa eling karma indik karesikan wawidangan sane prasida nudut malih para wisatawan ngerauhin wawidangan inucap. Majalaran pidabdab inucap sane sampun kapidabdabin secara ngelantur, kaaptiang pikobet indik wawidangan sane cemer prasida kapuputang secara becik, sane mawesana ring mawali kasubenyane wawidangan Kuta ring dura negara.
Enable comment auto-refresher