Om Swastiastu, sane wanggiang titiang para angga panureksa. Sane kusumayang titiang Tim BASAbali Wiki, para semeton sareng sami sane tresna sihin titiang.
Pinih ajeng ngiring ngaturang rasa angayu bagia ring Ida Sang Hyang Widhi Wasa, duaning sangkaning pasueca ida, titing ngiring ida dane sareng sami prasida mapupul iriki sajeroning acara Wikithon Partisipasi Publik Bali Berorasi. Ring galahne mangkin, lugrayang titiang ngaturang pidarta utawi orasi sane mamurda Pendidikan Bali Ring Galah Sane Mangkin.
Ring rahinane mangkin, titiang jagi nyaritayang indik pikobet sane mabuat pisan tur mabuat pisan ring Bali, inggih punika indik pendidikan. Yadiastun Bali kasub pinaka genah wisata sane becik, iraga nenten dados lali ring pikobet sane wenten ring sistem pendidikan ring wewidangan punika.
Akeh sekolah ring Bali sane keni kakirangan sumber daya, ngawit saking fasilitas sane kirang becik ngantos kakirangan guru sane berkualitas. Indike puniki prasida langsung ngeranjing ring kawentenan pendidikan alit-alite, sane pinaka generasi penerus bangsa.
Duaning asapunika ngiring sareng-sareng ngerereh solusi antuk nincapang kualitas pendidikan ring Bali. Iraga perlu dukungan saking pemerintah, masyarakat, miwah pihak terkait mangda pendidikan ring Bali prasida mamargi becik. Ngiring sareng-sareng ngaptiang mangda sabilang alit ring Bali polih pendidikan sane becik tur berkualitas.
Asapunika sane prasida aturang titiang ring galah mangkin. Kirang langkung titiang nunas pengampura tur puputang titiang antuk parama santih. Om Santih Santih Santih Om.
Aktifkan pemuatan ulang komentar otomatis