Hubungan English context Indonesian hubungan Tri Hita Karana ring Kahuripan Agama
Ring Indonesia iraga madue akeh agama sane kasub wenten Hindu, Islam, Kristen, Katolik, Konghucu, Buddha. Santukan akeh pisan wenten agama, iraga patut miara kerahayuan sane wenten ring pantaraning parajanane mangda prasida wenten rasa harmoni. Yening maosang indik harmoni ring ajaran agama Hindu wenten tigang pamargi anggen nglestariang harmoni sane kawastanin Tri Hita Karana. Tri Hita Karana mawit saking tigang kruna inggih punika: Tri san mateges tiga, Hita san mateges bagia keharmonisan, miwah Karana san mateges penyebab. Dadosne, Tri Hita Karana madue arti inggih punika tiga sane ngawinang kerahayuan utawi harmoni. Tri Hita Karana kakepah dados 3 inggih punika Parahyangan, Pawongan, miwah Palemahan san soang-soang madu arti inggih punika: 1. Parahyangan inggih punika paiketan sane harmonis antara manusa sareng Sang Hyang Widhi Wasa Tuhan . 2. Pawongan inggih punika paiketan sane harmonis pantaraning manusa sareng sesama. 3. Palemahan inggih punika paiketan san harmonis pantaraning manusa sareng alam utawi palemahannyan . Ring sajeroning pangrasa Tri Hita Karana wenten Pawongan inggih punika harmonis pantaraning para janane sane prasida mapaiketan sareng nglestariang kerahayuan pantaraning umat agama mangda kahuripan agama iraga tetep harmonis lan nenten wenten pabinayan. Ring sajeroning nglestariang kerahayuan iraga prasida ngawitin antuk saling ngajiang sareng umat tiosan mangda prasida wenten kerahayuan sane manut ring ajaran Tri Hita Karana. Ngajegang kerahayuan sajeroning agama prasida kamargiang saking paindikan sane cerik-cerik sakadi saling asah asih rikala wenten sane mabakti utawi rahina sane suci, antuk paindikan sane cerik sakadi puniki prasida ngajegang kerahayuan parajanane. Iraga taler prasida nglestariang rasa kulawarga ring pantaraning parajanane santukan iraga sareng sami pateh, minab wenten makudang-kudang pabinayan nanging iraga patut tetep nglestariang kerahayuan ring pantaraning parajanane.
Enable comment auto-refresher