Foto-Ulian Korona, Sisyane Mlajah On Line-Ni Nengah Vera Puspita Dewi

Mlajah on line.jpg
0.00
(0 votes)
Title
Foto-Ulian Korona, Sisyane Mlajah On Line-Ni Nengah Vera Puspita Dewi
Related Places
    Writer(s)
      Photographer(s)
        Reference
        081805487465
        Photo Credit
        Video Credit
        Wikithon competition
        Photo

        Description


        In English

        In Balinese

        Sasukat virus koronane neked ring Indonesia mentri pendidikane ngumumang nganggen sewalapatra ring dinas pendidikan provinsi, tur katerusang ring dinas pendidikan Kabupaten kantos neked ring sekolah mangde mlajah on line. Para guru sami kadroponan makeneh, ken-ken carane jani mlajah on line nenten je sami sisyane ngelah HP. Para guru sami rapat, pamuputne sisya sane nenten madue HP kaabaang materi lan soal kaumahne. Sami sisyane ngorahang jenuh, nenten je sisyane manten jenuh tiang masi pateh, kangen sane kerasayang makedekan ring ruang guru, ngajahin murid ring kelas, ngajum sisyane sane dueg ring ajeng kelas anggen memotivasi sisyane sane mayus mlajah. Sane mangkin Guru mangda mrasidayang ngicalang jenuh sane karaseyang olih para sisya antuk paplajahan sane menarik. Sedina-dina tiang ngae materi sane menarik nganggen Quiziz, google classroom. Sisyane sane mayus melajah setata sebilang semeng sampun ngorahang tiang mangkin ten sareng mlajah on line krana ten ngelah paket niki tiang nganggen hotspot HP bapan tiange , nabdabin sisya sane mayus punika, mangda nganggen weteng sane lantang. Sebilang wai ring grup WA kelas nuturin sisyane mangda jemet melajah yadiastun melajah on line, setata nakenang napi kendalanyane rikala melajah on line. Ulian sawai-wai chat sareng sisyane kanti cara adi sane karasayang. Ulian sisyane sesai curhat tiang uning nenten je wenten anak cerik nakal, anak cerik belog, anak cerik nakal lan belog wenten sane ngrayananyng sekadi nenten je kaperhatiang olih reramannyane krane reramannyane mekarya uli semeng ngantos wengi. Mangkin sampun 4 bulan ngelaksanayang melajah on line utawi pembelajaran on line , ngantos pembagian raport online. Ring tahun Ajaran Baru puniki PPDB online, MPLS online, sane mangkin ngajahin murid sane nenten taen panggihin, panggih ring dunia maya manten. Sampun kanikaang new normal, genah wisata smpun kabuka nanging tetep nganutin protokol kesehatan, sakemaon sisyane tetep mlajah online. Dumogi je geringe puniki gelis metilar, Mangda prasida kacunduk sareng sisyane.

        In Indonesian