Sajebag gumi Bali ne keni gering agung sane mawasta COVID-19. Gering agung COVID-19 niki wantah virus sane sampun akeh ngranayang krama Bali ne sungkan. Nenten ja sungkan manten, gering agung puniki wantah ngranayang akeh para jadma Bali sane kilangan pakaryan, utamanyane para jadma sane makarya ring wewidangan Pariwisata. Kawentenan gering agung covid-19 niki, akeh para turis mancanegara ne sane nenten mresidayang malali ka Bali, niki wantah permasalahan sane pinih utama sane ngranayang kemerosotan ekonomi ring wewidangan pariwisata. Kemerosotan ekonomi niki ngawinang akeh para pegawai Hotel utawi guide sane ngatehin para turis malancaran kaliling Bali kilangan pakaryan lan wenten pegawai sane kasuudin ring genahnyane makarya krana hotel utawi genah pariwisata nenten wenten pamasukan utawi kunjungan ring turis mancanegara. Manut ring gambar sane sampun kawedar olih titiang, gambar punika wantah silih sinunggil dampak sane karasayang krana gering agung covid-19 puniki. Para jadma sane kilangan pakaryanyane akeh pisan sane mukak adolan ring sisin jalan utawi maadolan kaliling nganggen motor lan mobil, akeh masih sane maadolan ring ambara laya. Nenten ja anak sane tua tua manten sane maadolan ring sisin jalan, wenten masih anak cerik sane maadolan ring sisin jalan. Ring gambar puniki conto jadma sane kilangan pakaryan ring masan gering agung. Bapak puniki maadolan sate ring sisin jalan. Dane sadurung ngadol sate, dane wantah pegawai ring hotel, dane kasuudin olih managernyane ngawinang nenten wenten pamasukan dana sane katrima ring hotel punika. Dane maadolan wantah prasida ngidupin kaluarganyane apang mresidayang tetep polih pamasukan ritatkala gering agung covid-19 niki. Ngiring iraga sareng sami nyaga raga apang iraga dumogi prasida tetep kenak lan rahayu ritatkala gering agung COVID-19 puniki.
Aktifkan pemuatan ulang komentar otomatis