Saking sabang rauh ka merauke, Indonesia akeh madue suku, agama lan ras sane beragam. Akehnyane pabinayan tusing ngeranayang negeri niki terpecah belah. Wenten nenem agama sane diangkenin ring Indonesia inggih punika agama Islam, Katolik, Protestan, Hindu, Buddha, miwah Konghucu. Indonesia kaloktah antuk bangsa sane ramah lan ngelah rasa sane tegeh indik kehidupan beragama, dados conto Pulo Bali.
Bali inggih punika pulo sane kadagingin olih beragam suku, agama, lan ras. Keragaman punika prasida kaanggen ngardi kerukunan beragama ring kauripan pakraman. Agama dados prinsip miwah piteket manusa selami maurip. Sakadi kauningin iraga, nyaga kerukunan umat beragama boya ja pakaryan sane aluh. Cara sane paling becik anggen setata nyaga kerukunan umat beragama inggih punika toleransi sane becik antar pemeluk agama. Iraga pinaka manusa kawerdi olih Ida Sang Hyang Widhi, iraga nenten prasida idup pedidi lan setata ngemerluang wantuan saking jadma tiosan. Saking driki iraga malajah napi nika toleransi.
Toleransi inggih punika rasa saling ngajiang agama miwah budaya anak tiosan sane wenten ring wewidangan iraga. Rasa toleransi puniki patut katanem tur kalaksanayang sakantun iraga idup ring gumine. Wenten akeh cara sane prasida kalaksanayang yening pacang ngemargiang toleransi beragama saluiripun gotong royong, tusing malian-lianan manusa manut agamanyanne, hormat teken agama lianan sane ngemargiang ibadahnyanne, lan saling ngajiang mangda sida ngardi jagate santhi. Duaning punika, iraga patut saling asah asih asuh salunglung sabayantaka mangda kerukunan beragama dados kawerdi.
Aktifkan pemuatan ulang komentar otomatis