Masyarakat Hindu di Bali nenten luput teken madan rerahinan utawi hari raya. Ring satu bulan utawi satu minggu punika jeg pasti wenten dogen rahinan, napi ke nika rahinan cenik purnama, tilem, kajeng kliwon, miwah sane lianan , lan rahinan sane kategorine gede ngusaba, tawur agung kesanga, galungan, kuningan, miwah sane lianan . Nika ngranayang pulau Bali ngelah ciri khas di matan orang luar turis selain keindahan alamnyane. Nanging sane dadi perhatian tiange yening wenten rahinan gede, pastika pemedek sane tangkil jagi nglaksanayang persembahyangan kantun rame ring pura. Ring galahe punika taler ketertiban para pemedek nenten manut ring kayun. Contohnyane rikala rahinan saking pura Besakih waktu niki, ketertiban para pemedek sane jagi tangkil ke pura lan pedharman soang-soang dados riuh, sane mearti kesadaran antuk mengantre nenten becik kalaksanayang. Sane ngawinang wenten para pemedek sane labuh duaning nenten nyak antuk mengantre lakar mecelep ke purane. Yadiastun sampun wenten petugas sane ngarahin, nanging nenten kepirengang olih para pemedek. Nika sane ngranayang tiang mekita para masyarakat Hindu di Bali apang sadar antuk mengantre punika penting krana yening mengantre, kegiatan napi sane kalaksanayang pasti pacang lancar. Punika taler mengantre pacang nenten ngamolihang korban ritatkala ngalaksanayang kegiatan. Ajah-ajahan antuk mengantre niki punika patut disosialisasikan ring masyarakat olih pemerintah apang mengantre puniki dados polih kebiasaan sane manut ring Bali.
Aktifkan pemuatan ulang komentar otomatis