Bali kauningin antuk pulau sane akeh tradisi lan budayane. Wenten tarian, upacara-pakara, miwah sane lianan. Upacara ngaben silih sinunggil tradisi Pitra Yadnya sane ageng ring Bali. Biasane ring wewidangan desa sane nglaksanayang ngaben nyabran limang warsa. Rikala ngaben, akeh wenten wadah sane mawentuk lembu, punika satmaka jiwatman para leluhur sane jagi kaabenang. Sane identik sareng upacara ngaben inggih punika truna- truni sane madeeng. Deenge jegeg-bagus marerek mabaris ring margine ageng ngisi tali sane mapusat ring wadah pengabenan . Deeng punika jagi mamargi ngelinderin desa, nenten kidik taler wenten anak alit sane nyarengin padeengan punika. Ring acara ngaben punika, wadah sane kacihnayang dados genah jiwatman para leluhur punika pacang kageseng utawi kahanyut ring segara. Upacara sane ageng pastika ngamerluang prabeya sane ageng , minab wenten wantuan ring pemerinta marupa jinah utawi prabea sane kaanggen ring acara ngaben ring desa punika , nanging yening ten kauratiang olih pemerintah, kajejehin prabea punika kakorupsiang, santukan akeh oknum-oknum sane nenten bertanggungjawab. Yening prabea jinah punika mamargi sekadi kepatutanne sinah punika pacang ngewantu mamargi antarnyane tur ngalestariang tradisi lan budaya Bali ngaben. Sekadi kabaoang manut WEBSITE RESMI DESA BESAN KEC. DAWAN KAB. KLUNGKUNG PROV. BALI sane kaunggah pinanggal masehi 10 Agustus 2022 ,sane mamurda Tradisi Ngaben Massal di Desa Besan kabaosang, yabran limang warsa, Desa adat Besan jagi ngalaksanayang pengabenan massal. Nika rumasuk tradisi turun-temurun sane kari dijaga olih krama Desa Besan , ring pengabenan warsa puniki, Desa Besan ngelaksanayang upacara sane akehnyane 136 Sawa, ngelungah 113, warak kruron 46 lan ngelanggir 20. Puncak acarannyane kalaksanayang ring pinanggal masehi senin, 8 Agustus dini. Acara ngeroras jagi kalaksanayang ring pinanggal Warsa 22 Agustus lan meajar-ajar ring pinanggal Warsa 26 Agustus 2022. Dumogi saking ajegnyane tradisi puniki prasida ngewantu masyarakat Besan lan ngareketang pasemetonan.
Aktifkan pemuatan ulang komentar otomatis