Kawentenan jagat Bali sampun kasub ka dura negara, ento krana kawentenan tradisi lan kawentenan alam ring Bali. Punika mawinan akeh wisatawan saking dura negara sane malancaran ka jagat Bali puniki. Nanging ring era global sekadi mangkin, jagate awor tan pawates, wenten makadi ajerih pikayunan para krama Baline indik budaya Bali pacang rered santukan panglimbak ilmu pengetahuan lan teknologi tan pawates.
Tiang sesai nepukin anak sane tusing demen mabasa bali, tusing demen mirengang gending-gending Bali, tusing demen mabalih igel-igelan, lan tusing demen teken tradisi-tradisi sane kamargiang ring Bali sakewala ipun dados krama Bali. Ipun demenan teken budaya-budaya luar sane kaucap modern . Cara timpal tiange, demenan ia mirengang gending-gending Korea lianan punika gending-gending Bali. Yen tusing Iraga,nyen buin? Yen tusing iraga, nyen buin sane ngelestariang budaya bali?. Bule-bule sane malancaran ka Bali dogen milu muruk ngigel Bali, adi iraga sane ngelah Baline puniki tusing nyak ngelestariang budaya pedidi. Iraga makasami patut mapineh global nanging nenten dados ninggal budaya-budaya Bali sane sampun kamargiang saking riin olih para panglingsire sami
Aktifkan pemuatan ulang komentar otomatis