Ring Indonesia, utamanyane ring Bali sane nincapang sektor perekonomiannyane mawit saking sektor Pariwisata. Nanging uliang gering agung sekadi mangkin pariwisata baline sedeng lesu. Akeh para janane sane makarya ring Pariwisata Hotel, Restoral, Miwah sane lianan keni PHK. Nika mawinang sane merantau ka kota mewali ka desannyane. Akeh sane ngalih kegaen sampingan, minakadi medagang baju utawi sanganan online, wenten mase sane dados dagang canang, miwah wenten sane dados Petani milenial, mangda tetep ngelah bekel nyalanin idup di masa pandemine puniki. Iraga pinaka generasi milenial suba sepatutne ngelah pikenoh utawi ide utsaha angge nincapang perekonomian di masa lan sasuba pandemi. Ape sane prasida kautsahaang? Iraga magenah di Bali, idup di Bali tusing ja dadi tuah ngandelang sektor pariwisata. Akeh jadma bali sane dados petani muda utawi petani milenial, yadiastun tuah ngelah tanah akidik sekadi di natah umahe, ditu iraga prasida mapemulaan. Mamula sane prasida ka ajeng tur lebihne prasida kaadol. Mamula lakar Jukut, mamula kasela, mamula tabia, tomat, miwah sane lianan. Napi malih iraga tan madue jinah angge modal utsaha madagang online. Ngejalanin utsaha mula ada untung rugi, keto mase petani wenten untung rugine. Profesi Petani boya ja nyidayang kejalanang di masa pandemi manten nanging di masa sasuba pandemi mase dados kajalanang. Para petani Baline sanget perlu perhatian saking pemerintah mangda prasida nincapang perekonomian Bali saking sektor pertanian, ring masa lan sasuba Pandemi.
Enable comment auto-refresher