Jeg ken ken jagat baline jani nah sawireh akeh pisan anak sane helm ipunne ical rikala melancaran. Titiang ningalin dugas melancaran ka segara kuta dibi sanja wenten bule sane paling ngalih helmne sawireh ical. Paindikan akeh helm sane ical puniki sujatine sampun akeh wenten ring orti orti Bali nyantos orti nasional. Pemerintah Bali sepatutnyane sampun sayaga ngicenin solusi indik puniki. Sampunang jagat Bali sane kasub dados genah pariwisata sayan sayan ngerered sawireh indik keamanan sane nenten sayaga. Yening cingakin malih, indik helm sane sesai ical puniki sujatine ngaenang kedek basang. Yening ring pulo lianan sane kabegal punika wantah montor ipunne, malainan teken Bali sane ical wantah helm ipunne. Dirib anak sane maling punika nawang yening sane kabegal wantah montor lakar keweh kaadep malianan teken helm sane aluh yening lakar kaadep malih. Helm helm sane ical punika masih helm sane ngelah merk utawi jinahne mael yening kaadep. Santukan punika ngiring iraga sareng sami pastika yatna mangda nenten ngrasayang paindikan sane sami lan ngupapiara keamanan Bali.
Enable comment auto-refresher