Puisi - Tenget - Dewa Gede Arnama

110778425 gettyimages-1198372862.jpg
Title
Puisi - Tenget - Dewa Gede Arnama
Related Places
    Writer(s)
      Photographer(s)
        Reference
        Photo Credit
        Video Credit

        Description


        In English

        In Balinese

        TENGET Malengok bengong negak pedidi, Dini, di pondok ane ada di tepi, Matimpal kopi, ngendihang api, Ngenehang gumi ane nadak sepi,

        Jani hidup di jaman Kali Yuga, Tusing kena baan narka, Tusing ngidayang raga madaya, Jani kacunduk ngajak I Korona,

        Sesukat Korona, rasane katangkeb gulem, Nadak gumine serem, Tieb, seput, mateeb tanpa sikut, Maadukan saja teken lelakut,

        Ulian Korona gumi kerasa tenget, Jejeh rasayang di hati, Yadiastun nunas ica suba sesai, Nanging enu Korona kenehang kanti ipit,

        Paling luwung jani ngrastiti Bhakti, Ring Ida Hyang Parama Kawi, Yadiastun kantong puyung tuara misi, Kapicayang seger wantah ane setata ulati,

        Yadiastun kerasa gumine tenget, Iraga patut setata inget, Nyaga raga, nyama lan kulawarga, Mangda kenak rahayu setata,

        Mogi jagate gelis mewali jati mula, Setata pirengang baos guru wisesa, Apang tusing nemu sengkala, Ulian tambet titiange dadi jatma, Titiang wantah nunas Sinampura.

        Olih: Dewa Namo.

        In Indonesian