Sakadi sane kauningin sareng sami, sane mangkin i raga ngalamin masa sane kasebut Masa Globalisasi. Ngelah timpal saking Amerika, Eropa, Australia ten dados masalah, krana seluruh dunia sampun prasida kaakses uli handphone, medsos, lan TV. Globalisasi niki becik pisan, krana i raga prasida update terus teken berita saking seluruh dunia.
Nanging kenten, globalisasi niki ngeranayang budaya Baline wenten saingan. Sakadi yowana Baline mangkin sane demen teken Tiktok, K-Pop, Anime, lan budaya barat Western nika inggih punika conto globalisasi sane nidang ngancem budaya Bali. Selain nika, krana globalisasi puniki, budaya Bali sane sampun kaloktah ka dura negara nika kaakuin olih orang luar sane ten metanggung jawab.
Punapi cara apang budaya Baline tetep ajeg ring Masa Globalisasi niki? I raga dados yowana Bali, generasi penerus Baline patut bangga lan tresna teken budaya Bali. Masuk sanggar tari, sanggar tabuh, melajah aksara Bali, uning teken pakaian lan bangunan Bali, miwah anggen bahasa Bali ring pergaulan sehari-hari nika sampun ngemolihang kontribusi ring ngajegang budaya Bali. Yening ten i raga para penerus Bali niki sane ngajegang? Sira biin kaongkon? Niang, Kakiang, Dadong, Pekak e katunden? I raga dados ngikutin perubahan jaman, nanging ampunang lali teken budaya pedidi.
I raga patut dukung lan ngikutin program pemerintah SAD KERTHI LOKA BALI sane intine punika membangun kembali budaya Bali sane taen ilang .
Astungkara Bali ajeg apang pianak cucu i raga sami prasida nyingakin betapa luungne budaya Baline.
Aktifkan pemuatan ulang komentar otomatis