Kesenian Bali,Lontar Miwah Yowana Sane Mangkin
Bali pinake pulau wisata budaya sane sampun kaloktah ke dura Negara. Sampun sami uning, bali punike akeh pisan wenten budayanyane. Wenten seni tari, tabuh lan sane lianan. Seni bali sampun mekembang becat gati wireh prasida wenten saking alit sampun kapicanayang seni. Napi malih ring jagat sekadi mangkin, kesenian bali punika sane jakti ngranayang bali terkenal ring dura Negara. Rikanjekang aab jagate sane mangkin, Budaya bali tamis rered ring bali. Akeh pisan anak ten kesenengan teken budaya bali punika contohnyane seni tari. Truna truni ring bali, akeh ten seneng melajahin seni tari punika, santukan ia ngerasayang gengsi sane akeh. Ring media social, akehnyane turis turis mancanegara melajahin seni bali, inggih punika seni tari. Akeh tiang cingak, turis turis ring bali sampun melajahin seni tari. Irage pianak Bali, patutnyane lek teken anak lianan. Irage ten seneng teken seni bali, nanging turis seneng teken budaya bali. Patutnyane irage patut ngelestarian lan melajahin seni Bali, apang ten kalah teken anak turis. Yening irage ten ngajegang sire malih sane ngajegang?. Contohnyane sawetara 15 soroh kebudayaan sane wenten ring Kabupaten Badung Bali , sami rered sawireh para yowana baline nenten seneng melajahin utawi nerusang warisan seni budayane. Wenten mekudang-kudang kebudayaan sane tamis-tamis rered inngih punika, Baris Kraras, wayang wong miwah kebudayaan sane sacral. Nenten je kesenian tari manten sane sayan rered, kesenian nyurat lontar ring bali mangkin sampun meweh melajahin tur meweh ngerereh yowanane sane seneng melajahin. Titian cingak, Trunan Truni ring bali, ten wenten mangkin sane melajahin nyurat lontar. Sewireh, budaya luar sane masuk ring Bali, ngae iraga seneng teken budayanyane. Pengaptin titiange, irage sinareng sami truna-truni ring bali ajegang lan lestariang budaya Bali. Apang ten rered budayanyane. Yening ten irage sane ngelestarian utawi ngajegang, sire malih sane ngajegang budayanyane?. I rage sepatutne nyadar, budaya Baline sampun tamis rered, santukannyane akeh budaya asing sane masuk ring Bali.
Aktifkan pemuatan ulang komentar otomatis