Om Swastyastu. Sane wangiang titiang para calon legislatif, para angga panureksa, sapunika taler, para sameton yowana sareng sami sane tresna sihin titiang.
Pinih ajeng ngiring ngaturang rasa angayubagia ring Ida Sang Hyang Widhi Wasa, duaning sangkaning pasuecan Ida, titiang ngiring mapupul iriki sajeroning acara Wikithon Partisipasi Publik Bali Berorasi. Ring galahe mangkin, lugrayang titiang ngaturang orasi.
Ring Bali, kauningayang dados genah pariwisata sane kasenengin olih turis. Akeh turis sane rauh ke Bali sangkaning palemahanne sane indah lan asri puniki. Nanging akeh turis sane matingkah jele ngawe biuta jagat Baline sekadi : makta motor nganggen plat nomber palsu, ring desa Unggasan para warga manggihin turis sane mabuk kanti nenten sadarkan diri, kalih WNA sane mamaling barang tiga panumpang ring Bandara Ngurah Rai. Saking pikobet puniki, titiang ngaptiang para pemimpin Bali sane pacang kapilih ring warsa 2024 mangda nguratiang indik genah pariwisata lan tingkah laku turis sane wenten ring Bali tetujonnyane budaya Bali nenten kacemar olih tingkah laku turis sane jele.
Wantah sapunika sane prasida katur, kirang langkung titiang nunas ampura tur puputang titiang antuk parama santhi, Om Santhi Santhi Santhi Om.
Aktifkan pemuatan ulang komentar otomatis