Literature Keutamaan Hutan Sebagai Awal Mula Kehidupan Bali

Title (Other local language)

Photograph by

Author(s)

Affiliation

SMA NEGERI 8 DENPASAR

Category

High School

Reference for photograph

Subject(s)

Reference

Related Places

Event

Related scholarly work

Reference

Sort by date Sort by score

Enable comment auto-refresher

Add your comment

BASAbaliWiki welcomes all comments. If you do not want to be anonymous, register or log in. It is free.

Description

In English

⏤

In Balinese

Wana utawi alase punika wantah genah makejang kahuripan sane nenten pisan dados kalaliang. Dados pangawit kahuripan, yening pratiaksayang sami sekancan sane wenten ring jagate puniki nenten prasida lempas sareng kautaman wanane. Paketan asri wana sareng palemahan dados genah wit toyane puniki prasida ngicenin iraga kahuripan ring seisin jagate. Ring wana taler wenten soroh beburon nyantos taru-taruan sane marupa silih sinunggil kautaman jagate sane nenten pisan dados kalaliang. Raris rikalaning kautamannyane sekadi asapunika kantun ke iraga pacang purun lan duratmaka ngusakasik kewentenan wana Bali punika? Yening uratiang pisan indik kawentenan wana ring aab jagate sekadi mangkin, sujatine sampun sayan-sayan ngereredang. Akeh sane kagentos manados beton, akeh taler sane sampun kaetep nenten nginutin tata carane. Raris rikalaning kawentennyane sakadi punika, kantun ke pacang prasida mamargi rahayu kahuripan ring jagate puniki? Manahang titiang nenten, sane mangkin ngiring kayuninin sareng sareng napi sane ngawinang akeh wenten bencana utawi grubug agung ring sejebag jagat Bali? Punika nenten ja tios sangkaning iraga sareng sami sane nenten ngupapiara wit kahuripan rumasuk indik wana. Yening iraga sampun prasida ngupapiara wana majanten sampun ngametuang kahuripan sane teduh landuh. Dados ipun ngiring ngawit mangkin iraga sareng sareng ngulat sarira ngelestariang wana palemahan Bali. Ingetang mangkin, Punapi sane katandurin punika sane pacang kapupuhin.

In Indonesian

⏤