Iraga sampun tatas uning indik pikobet jagate sane mangkin. Sampun kalih tiban jagate keni pikobet gering agung sane mawasta virus corona. Pariwisata ring Bali sayan - sayan ngareredang. Ngawinang krama Baline meweh pisan ngamargiang pamargin perekonomian. Napi malih nenten akeh wisatawane sane malancaran ka Bali. Pariwisata pinaka cihna jatining kahuripan krama ring Bali. Pemerintah sapatutne satata sayaga ngalimbakang, mangda sida ngawaliang eksistensi pariwisata ring Bali. Dinas Kebudayaan Provinsi Bali sampun ngamongin antuk ngwangun kawentenan desa wisata. Silih tunggilnyane Kelurahan Kapal, Kecamatan Mengwi, Kabupaten Badung. Kawentenan tradisi Aci Tabuh Rah Pengangon utawi Siat Tipat Bantal puniki pastika prasida ngelangunin nudut kayun para janane doh saking dura negara. Napi malih boya ja wantah nyobiahang indik desa wisata manten, pemerintah sapatutnyane ngamargiang UMKM. Program UMKM sida ledang ngawantu krama Bali antuk ngarereh pangupa jiwa. Punika sane pinih utama lan mabuat pisan ri sajeroning makudang - makudang pamargin kahuripan krama Bali. Program saking Pemerintah Provinsi Bali puniki patut kacumpuin taler kalaksanayang boya ja wantah saking pemerintah lan paiketannyane kemanten, nanging pikayunan krama Bali antuk ngalestariang panglimbakang pariwisata ring Bali.
Enable comment auto-refresher