Om Swastyastu,
Matur suksma aturang titiang ring Sang Hyang Widhi Wasa, duaning asung kerta wara nugraha Ida, titiang prasida mesadu majeng ring Ida Dane sareng sami. Sane wangiang titiang, angga panureksa makesami sane wangiang titiang Tim BASAbali Wiki, punika taler para atiti sareng sami sane tresnahin titiang.
Iraga sareng sami sampun uning, pengelolaan sampah ring Bali kantun dados pikobet sane patut ditindaklanjuti. Produksi sampah ring masyarakat serahina sayan nincap tur perlu pengelolaan sane patut anggen nyapuhang pikobet sane wenten pungkuran. Sane mangki pengelolaan sampah di masyarakat during mresidang memargi maksimal yadiastun pamerintah sampun mekarya kebijakan utawi ngelaksanayang sosialisasi ring masyarakat indik pengelolaan sampah.
Ring sayuaktine, masyarakat durung medue kesadaran ngelaksanayang pengelolaan sampah domestik sane patut. Mawinan sampah sane kebakta ke TPA kantun mecampur. Indik puniki ngeranayang pengelolaan sampah ring TPA dados sue. Tiosan ring punika, budaya ngentungan sampah ring tempat sampah kantun kirang. Masyrakat kantun ngutang sampah ring tukad, jlinjingan, lan tanah kosong sane wenten ring wewengkon nyane. Indik puniki, pacang berpengaruh ring kualitas lingkungan.
Pangapti ring Pemimpin Bali sane kapilih riwekas prasida pacang nungkulang pikobet punik, antuk kebijakan-kebijakan sane teges indik pengelolaan sampah. Taler prasida nincapan kegiatan sosialisasi ring masyarakat mangda ngewangun kesadaran indik pengelolaan sampah. Mangda prasida ngajegan Bali sane asri, lestari, tur indah bebas saking pikobet sampah.
Inggih, wantah asapunika prasida aturang titiang, yening wenten kirang langkung atur titiang, titiang nunas geng rena sinampura. Sineb titiang antuk Paramashanti.
Om Shanti Shanti Shanti Om
Enable comment auto-refresher