How to reduce waste at school canteen? Post your comments here or propose a question.
Manut titiang, kalaksanayang PPKM, vaksinasi, program Work from Bali punika sampun patut, nanging sane dados polemik utawi pikobet ring krama makasami inggih punika kawiaktian data-data indik kasus Covid-19, minakadi sira sane keni, saking dija, miwah sane lianan. Pamerintah wantah maosang indik naik utawi turun kemanten kasus Covid-19 ring Bali. Awanan Pamerintah nenten nartayang data punika, krama sane sampun polih vaksin miwah sampun nyalanang protokol kesehatan, ngarasayang kabogbogin olih Pamerintah. Napi mawinan asapunika ? krana kasus Covid-19 kabaosang nyasang ngelonjak, PPKM malih kalanturang ngranayang sukeh ngrereh ajengan, perekonomian nyasan terpuruk. Wantuan saking Pamerintah nenten ja merata polih makasami. Kadi asapunika, manut titiang becik pisan yening Pamerintah prasida ngicenin data-data indik kasus Covid-19 secara rinci utawi sane kabaos transparansi. Data punika dados kamuatang ring website utawi media social sane prasida kaakses olih karma makasami. Website punika dados malih kajangkepin antuk data panyaluran wantuan bansos Covid-19 sane nartayang sira kemanten polih wantuan.Yening sampun kenten, krama sami utamanyane ring Bali, sane magantung saking pariwisata nenten ja malih nguyutang indik PPKM kalanturang. Krama sami sampun uning pikenoh kawentenan PPKM punika. Ngiring sareng-sareng raketang malih rasa nyama braya druene mangda gelis pandemi puniki ical. Sampunang nyantos wantuan saking Pamerintah kemanten, yening iraga prasida saling ngawantu. Prasida ngawantu nenten ja patut dados anak sugih dumun. Ngiring anggen pandemi puniki antuk ajang ngawentenang malih rasa empati ring panglimbak aab jagat globalisasi sane ngabuat iraga madados individu. Dumogi sami rahayu.
Enable comment auto-refresher