Om Swastiastu,wastan titiang Kadek Dwi Apriyanti. Ring galahe sane becik niki, sakadi mangkin titiang pacang ngaturang pidarta sane mamurda Ngawigunayang Pamungkus Kertas Pinaka Ngrajengan Jagat Bali Clean And Green . Ida dane sareng sami, wicara utawi pikobet sane banget karasayang olih para kramane mangkin napi malih Pemerintah, wantah wicara indik sampah. Indik sampah punika utamanyane sampah plastik. Manut para sujana sane nureksan indik kawantennyane, sawiakti abot pisan rikala pacang ngawaliang kawentennyane,sajabaning kadaur ulang malih. Sakemaon, nenten sinamian sampah plastik punika prasida kadaur ulang,makadi sampah plastik sakadi tas kresek. Nuekang indik pidaging kautaman kebersihan ring sajeroning kahuripan, mangdane napi sane wenten tur kapanggihin ring jagat, sangkaning iraga soang-soang nenten eling ring iraga taler ring kebersihan jagat. Punika silih sinunggilnyane sane makawinan akeh produksi sampah plastik. Sapunapi antuk iraga nyelehang mangdane pikayunan pacang ngangge piranti-piranti sane mawit saking bahan dasar plastik, mangda saka kidik prasida kakirangin penganggennyane sakadi panganggen tas kresek. Piranti-piranti sakadi tas kresek saking plastik dados tas mawit saking kertas, sane wekasan elah pacang kadaur ulang, sane banget nyentokang tetuek kebersihan punikaring sajeroning kahuripan. Duaning asapunika, ngiring ida dane sareng sami ngawit mangkin sikiang ragane, cing-cingan lengen kelambine,miara kebersihan lan keasrian soang soang. Puputang titiang antuk parama santih, Om Santih, Santih, Santih, Om.
Enable comment auto-refresher