Judul :Nulad Laksanan Paksi Ireng
Pembuka : Ogoh - Ogoh Nulad Laksanan Paksi Ireng saking STT Gemah Indah,Br.Gemeh ,Denpasar Barat. Saja ke Paksi Ireng punika maparas nakutin? Inggih Paksi Ireng punika wantah raksasa sane madue prerai sane nakutin, panyingakanne barak, tur makampid. Ring tangan ipun Wenten ladik pangentas selanturnyane ring tundun nyane Wenten tangan mudra sane mawarna emas. Akeh sane sampun uning yening Paksi puniki wantah Paksi Sane makta gatra sane nenten becik utawi kasengkalaan.
Isi :Akeh sane uning Paksi Ireng punika maparas aeng, nanging akeh taler sane nenten uning Laksanan Paksi Ireng puniki. Sane dumun, wenten carita sane nyeritayang Paksi Ireng puniki nganggen tangan mudra nyane jagi ngicenin kauripan sane becik utawi ngicenin napi sane kaaptiang yening Wenten sane maparilaksana melah luung. Sakewanten, yening maparisolah kaon sinah Paksi Ireng puniki nganggen tangan sane madaging ladik jagi ngambil atman ipun. Inggih, puniki pinaka imba sane patut katulad olih pamerintah yening Wenten jadma Masyarakat Warga Negara Indonesia sane maparilaksana patut mangda polih pelayanan sane becik. Yening Wenten jadma sane maparisolah kaon pastika keni hukuman sane patut nganutin Solah ipun. Tusing ja pamerintah kemanten, iraga makejang masih patut maparilaksana sane becik, ngalaksanayang awig-awig, tur nenten ngusak asik kahuripan jadma lianan.
Penutup :Paksi Ireng uning sane engken parilaksana sane patut utawi kaon, iraga dados jadma manusa seken lakar maparilaksana sane jele kemanten? Iraga mangda uning sane engken parilaksana sane kaon tur patut. Yening sampun akeh sane maparilaksana becik janten sampun negarane rahayu.
Aktifkan pemuatan ulang komentar otomatis